Ferill 47. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 357 — 47. mál.
Svar
heilbrigðis- og tryggingamálaráðherra við fyrirspurn Margrétar Frímannsdóttur um greiðsluþátttöku sjúklinga vegna hjálpartækja.
Fyrirspurnin hljóðar svo:
Hafa orðið breytingar á síðustu tveimur árum á reglum um greiðsluþátttöku sjúklinga vegna hjálpartækja? Ef svo er, í hverju eru þær breytingar fólgnar, hvenær voru þær gerðar og hver eru heildaráhrif þeirra og áhrif á einstaka greiðsluflokka?
Breytingar hafa verið gerðar á síðustu tveimur árum á greiðsluþátttöku sjúklinga vegna hjálpartækja. Eftirfarandi töflur sýna hverja breytingu fyrir sig og hvenær hún var gerð og sett er fram yfirlit yfir útgjaldabreytingar í hverjum flokki hjálpartækja undanfarin fjögur ár. Við Tryggingastofnun ríkisins starfar hjálpartækjanefnd sem hefur það hlutverk að fylgjast með þróun tæknilegra framfara á sviði hjálpartækja, útgjaldabreytingum vegna hjálpartækja og síðast en ekki síst verðlagi þeirra á markaði. Það hefur sýnt sig að greiðslureglur Tryggingastofnunar geta haft veruleg áhrif á endanlegt verð hjálpartækja þannig að það getur verið vandasamt að breyta reglunum. Oftast tekur þó markaðurinn við sér og lækkar verðið þegar slíkt er mögulegt. Hjálpartækjanefnd tekur engar sjálfstæðar ákvarðanir heldur beinir tillögum sínum til tryggingaráðs, sem ákveður endanlega hver hin nýja greiðslutilhögun á viðkomandi hjálpartæki verður. Á meðfylgjandi yfirliti sést að tryggingaráð hefur, fyrir utan útboð á nokkrum tegundum hjálpartækja, beitt þeirri aðferð í auknum mæli að setja hámark á þátttöku sína auk greiðsluhlutdeildar. Svo virðist að það sé einna virkasta aðferðin til að hafa áhrif á markaðsverð hjálpartækja. Á undanförnum fjórum árum hafa útgjöld vegna hjálpartækja aukist um rúmar 68 millj. kr., úr 554 millj. kr. í 622 millj. kr. á ári. Útgjaldaaukning Tryggingastofnunar ríkisins hefur því orðið rúm 12%.
Eftirfarandi eru dæmi um greiðslutilhögun stofnunarinnar fyrir stómavörur ásamt verðbili á markaði:
| Flokkur | Verðbil í smásölu, kr. | Hámarksverð TR, kr. |
| Flokkur 091804 | ||
| Stómapoki samfelldur, lokaður poki (allar stærðir) | 227–560 | 440 |
| Flokkur 091805 | ||
| Stómapoki samsettur, lokaður poki (allar stærðir) | 107–233 | 225 |
| Flokkur 091807 | ||
| Þvagstómapokar samfelldir (allar stærðir) | 704–1.705 | 705–1.540 |
| Flokkur 091808 | ||
| Þvagstómapokar samsettir (allar stærðir) | 468–645 | 470 |
| Flokkur 091814 | ||
| Stómaplötur, álímdar | 486–1.922 | 560–910–1.660 |
| Flokkur 091839 | ||
| Stómapokar samfelldir, tæmanlegir (allar stærðir) | 316–2.645 | 405–1.305–2.645 |
| Flokkur 091842 dto samsettir | 230–1.047 | 230–1.005 |
Hér er myndað efni sem sést ekki í vefútgáfu
Hér er myndað efni sem sést ekki í vefútgáfu
Hér er myndað efni sem sést ekki í vefútgáfu
Hér er myndað efni sem sést ekki í vefútgáfu
Hér er myndað efni sem sést ekki í vefútgáfu
