Ferill 267. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 436 — 267. mál.
Svar
umhverfisráðherra við fyrirspurn Hjálmars Árnasonar um losun gróðurhúsalofttegunda frá flugvélum og stóriðju.
1. Hver var áætluð losun gróðurhúsalofttegunda hér á landi í innanlandsflugi annars vegar og millilandaflugi hins vegar árið 1997, mæld í koltvíoxíðsígildum?
Áætluð losun gróðurhúsalofttegunda hér á landi árið 1997 var 31.000 tonn í innanlandsflugi og 162.000 tonn í millilandaflugi.
2. Hver var áætluð losun gróðurhúsalofttegunda hér á landi frá stóriðju árið 1997, mæld í koltvíoxíðsígildum?
Áætluð losun gróðurhúsalofttegunda hér á landi frá stóriðju árið 1997 var 580.000 tonn.
3. Hver var áætluð losun gróðurhúsalofttegunda af sömu völdum í löndum Evrópusambandsins á sama tíma, mæld í koltvíoxíðsígildum?
Íslensk stjórnvöld hafa ekki fengið yfirlitstölur frá skrifstofu rammasamnings Sameinuðu þjóðanna um loftslagsbreytingar (FCCC) sem greina losun koltvíildis í löndum Evrópusambandsins eftir atvinnugreinum. Umhverfisstofnun Evrópu sem starfar á vegum Evrópusambandsins gefur upp tölur fyrir þátttökuríkin 15 árið 1990, EU15(1990), og áætlar losun iðnaðarferla frá þeim um 159 milljónir tonna. Stofnunin hefur ekki tiltækar upplýsingar um losun frá flugvélum.