Ferill 591. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 987 — 591. mál.
Frumvarp til laga
um breytingu á lögum nr.
137/1998, um breyting á lögum um Útflutningsráð Íslands, nr. 114/1990, með síðari breytingum.
Frá efnahags- og viðskiptanefnd.
1. gr.
2. mgr. 7. gr. laganna fellur brott.
2. gr.
Lög þessi öðlast þegar gildi.
Greinargerð.
Með breytingum sem voru gerðar á lögum um Útflutningsráð Íslands í lok árs 1998 var gerð breyting á gjaldstofni markaðsgjalds. Er nú miðað við gjaldstofn til greiðslu tryggingagjalds, þ.e. laun í stað virðisaukaskattsskyldrar og undanþeginnar veltu. Þannig er gjaldið innheimt samtímis með staðgreiðslu í stað eftirágreiðslu áður. Því er lagt til að felld verði brott 2. mgr. 7. gr. breytingalaganna til að koma í veg fyrir tvöfalda innheimtu markaðsgjalds á árinu 1999. Skerðir þetta fyrirkomulag á engan hátt tekjur Útflutningsráðs Íslands.
