Ferill 339. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 1211 — 339. mál.
Svar
fjármálaráðherra við fyrirspurn Svavars Gestssonar um vaxtabætur af húsnæðisláni.
Fyrirspurnin hljóðar svo:
Hvernig má gera ráð fyrir að vaxtabætur 1 millj. kr. húsbréfaláns þróist miðað við meðaltekjur og meðalfjölskyldustærð allt greiðslutímabil 25 ára húsbréfaláns? Í svarinu óskast hvert ár tilgreint fyrir sig miðað við breytingar á höfuðstól og afborgunum og að gert verði ráð fyrir 1,5% verðbólgu á ári allan lánstímann.
Að gefnum tekjum viðkomandi skuldara skerðast vaxtabætur um fasta krónutölu. Vaxtabætur vegna hverrar milljónar af húsbréfalánum og öðrum lánum eru því breytilegar eftir því hve há heildarskuldin er og vaxtagreiðslur miklar.
Eftirfarandi tafla sýnir áætlaðar vaxtabætur hjóna á hverju ári miðað við upphaflega lántöku að fjárhæð 5–12 millj. kr. Miðað er við að greiðslukjör af öllum lánunum séu svipuð og eru nú af húsbréfum. Reiknað er með 5,1% ársvöxtum auk verðtryggingar og að afborganir séu fjórar á ári. Reiknað er með 1,5% verðbólgu á ári. Miðað er við að meðallaun hjóna séu 3,4 millj. kr. á ári og reiknað með að þau hækki einnig um 1,5% á ári. Enn fremur er reiknað með að hámark vaxtabóta hækki um sama hlutfall á ári. Miðað við þessar forsendur skapast ekki réttur til vaxtabóta fyrr en skuld er komin yfir 4 millj. kr. og vara greiðslur vaxtabóta í 8–20 ár, eftir fjárhæð upphaflegs láns. Ekki er reiknað með skerðingu vegna eigna en gera má ráð fyrir að þær mundu stytta greiðslutíma vaxtabóta nokkuð.
Áætlaðar árlegar vaxtabætur, þús. kr.
Upphaflegt lán, þús. kr. |
||||||||
Ár | 5.000 | 6.000 | 7.000 | 8.000 | 9.000 | 10.000 | 11.000 | 12.000 |
1 | 49 | 100 | 151 | 202 | 233 | 233 | 233 | 233 |
2 | 45 | 95 | 146 | 197 | 237 | 237 | 237 | 237 |
3 | 40 | 90 | 140 | 190 | 240 | 240 | 240 | 240 |
4 | 34 | 84 | 134 | 183 | 233 | 244 | 244 | 244 |
5 | 28 | 77 | 126 | 176 | 225 | 247 | 247 | 247 |
6 | 21 | 70 | 118 | 167 | 216 | 251 | 251 | 251 |
7 | 14 | 62 | 110 | 157 | 205 | 253 | 255 | 255 |
8 | 6 | 53 | 100 | 147 | 194 | 241 | 259 | 259 |
9 | - | 44 | 90 | 135 | 181 | 227 | 262 | 262 |
10 | - | 33 | 78 | 123 | 168 | 212 | 257 | 266 |
11 | - | 22 | 66 | 109 | 153 | 196 | 239 | 270 |
12 | - | 10 | 52 | 94 | 136 | 178 | 220 | 262 |
13 | - | - | 37 | 78 | 118 | 158 | 199 | 239 |
14 | - | - | 21 | 60 | 98 | 137 | 176 | 214 |
15 | - | - | 4 | 40 | 77 | 114 | 150 | 187 |
16 | - | - | - | 19 | 54 | 88 | 123 | 157 |
17 | - | - | - | - | 28 | 61 | 93 | 125 |
18 | - | - | - | - | 1 | 31 | 60 | 90 |
19 | - | - | - | - | - | - | 25 | 51 |
20 | - | - | - | - | - | - | - | 10 |
21 | - | - | - | - | - | - | - | - |
Bent skal á að framangreindir útreikningar taka mið af ákveðnum fyrir fram gefnum forsendum, þar sem m.a. er ekki reiknað með skerðingu vegna eigna, og ber að skoða þá í því ljósi.