Aldursforseti (Halldór Ásgrímsson):
Borist hafa eftirfarandi bréf um innkomu varaþingmanna: Hið fyrsta hljóðar svo:
,,Þar sem ég get ekki vegna veikinda sótt þingfundi á næstunni leyfi ég mér með vísun til 2. mgr. 53. gr. laga um þingsköp Alþingis að óska þess að varaþingmaður Framsfl. í Norðurl. v., Árni Gunnarsson, taki sæti á Alþingi í fjarveru minni.
Þetta er yður hér með tilkynnt, herra forseti.
Páll Pétursson, 2. þm. Norðurl. v.``
Annað bréf hljóðar svo:
,,Þar sem Sighvatur Björgvinsson, 2. þm. Vestf., getur ekki vegna veikinda sótt þingfundi á næstunni leyfi ég mér með vísun til 2. mgr. 53. gr. laga um þingsköp Alþingis að óska þess að varaþingmaður Samfylkingarinnar í Vestf., Karl V. Matthíasson sóknarprestur, taki sæti á Alþingi í fjarveru hans.
Þetta er yður hér með tilkynnt, herra forseti.
Rannveig Guðmundsdóttir, formaður þingflokks Samfylkingarinnar.``
Þriðja bréfið hljóðar svo:
,,Þar sem Tómas Ingi Olrich, 5. þm. Norðurl. e., er erlendis í opinberum erindum og getur því ekki sótt þingfundi á næstunni leyfi ég mér með vísun til 2. mgr. 53. gr. laga um þingsköp Alþingis að óska þess að 2. varaþingmaður Sjálfstfl. í Norðurl. e., Ásgeir Logi Ásgeirsson, taki sæti á Alþingi í fjarveru hans en 1. varaþingmaður listans í kjördæminu getur ekki tekið sæti á Alþingi að þessu sinni og hefur sent bréf þar að lútandi.
Þetta er yður hér með tilkynnt, herra forseti.
Sigríður Anna Þórðardóttir,
formaður þingflokks Sjálfstfl.``
Kjörbréf Árna Gunnarssonar, Ásgeirs Loga Ásgeirssonar og Karls V. Matthíassonar hafa þegar verið samþykkt og býð ég þá aftur velkomna til starfa.