[prenta uppsett í dálka] 2. fundur, 124. lþ.
Ögmundur Jónasson (um fundarstjórn):
Hæstv. forseti. Hér er tekin til umræðu milliríkjasamningur á sviði sjávarútvegsmála. Ég vek athygli Alþingis á því að hæstv. sjútvrh. er ekki til staðar þegar umræðan fer fram. Hann mun vera í útlöndum. Ég geri mér grein fyrir því að þetta mál er á forræði hæstv. utanrrh. og eftir því sem fregnir herma mun hann vera á förum úr landi eftir helgina þannig að þeir verða hér hvorugur á sama tíma. Ég vek athygli þingsins á því að hæstv. ráðherrar sýna Alþingi ekki þá virðingu að vera til staðar og skipuleggja tíma sinn þannig að þeir geti verið báðir við þá umræðu sem hér fer í hönd.
Ég vil mótmæla þessum vinnubrögðum og þessari framkomu við Alþingi.
