[prenta uppsett í dálka] 4. fundur, 124. lþ.
Arnbjörg Sveinsdóttir (andsvar):
Hæstv. forseti. Það liggur alveg fyrir að öll rannsóknarvinna fer fram sem þyrfti að liggja fyrir ef virkjunin færi í lögformlegt umhverfismat eins og hér hefur verið nefnt. Það sem ekki verður gert er að láta þessa vinnu fara í kæruferli sem er væntanlega eingöngu til þess að fresta framkvæmdum. Það hefur ekkert annað gildi í raun en að ákveðið kæruferli fari af stað til að sem flestir komi að sjónarmiðum sínum við þessa ákvörðun. Það er í sjálfu sér gott og gilt. Ég get alveg verið sammála um að það eigi að rannsaka og það er verið að rannsaka. Í sumar er verið að rannsaka þetta svæði vel og það er mjög nauðsynlegt.
