Pétur H. Blöndal (andsvar):
Herra forseti. Hv. þm. gleymdi alveg að geta um vaxtabæturnar, sem eru skuldahvetjandi, varðandi mat hennar á skuldum heimilanna. Hún gleymdi líka að geta þess að lækkun vaxta, umtalsverð lækkun vaxta á langtímalánum, hefur hækkað gengi eða minnkað afföll af húsbréfum þannig að nú eru þau seld með yfirverði. Það aftur hjálpar unga fólkinu miklu meira en sú hækkun á fasteignaverði sem kemur sem mínus hjá unga fólkinu.