[prenta uppsett í dálka] 6. fundur, 124. lþ.
Árni Gunnarsson (andsvar):
Herra forseti. Ég er bara að benda á að hér er ekki verið að leggja til neinn sparnað, hér er ekki verið að leggja til neinn niðurskurð. Það er bara verið að leggja til auknar lántökur á vegum ríkissjóðs. Því segi ég að það hefði verið meiri mannsbragur að því að leggja þá til að skorið yrði niður í vegamálum um 400 millj. Það er að vísu ekki vinsælt en það hefði átt að fylgja með í frv. ef það hefði átt að hafa eitthvert gildi sem þáttur í aðgerðum til að sporna við verðbólgu. Við spornum ekki við verðbólgu með því að auka skuldasöfnun.
