[prenta uppsett í dálka] 61. fundur, 125. lþ.
Margrét Frímannsdóttir (andsvar):
Virðulegi forseti. Ég var ekki að fara fram á að hæstv. ráðherra setti okkur nein tímamörk sem yrðu að halda. Mér er kunnugt um að allir nefndarmenn leggja áherslu á að hægt verði að taka þetta rafræna skráningarkerfi í notkun. Hins vegar er mjög gott fyrir nefndarmenn að vita, ef þetta frv. er ekki samþykkt innan ákveðins tíma, hvort það hamli því að hægt sé að fara í rafræna skráningu. Þá verður það ósköp einfaldlega að vera þannig að nefndin verður að leggja aðeins meiri vinnu á sig til þess að klára þetta. Ég held að það sé mjög nauðsynlegt að ljúka málinu.
