[prenta uppsett í dálka] 62. fundur, 125. lþ.
Forseti (Halldór Blöndal):
Borist hafa svohljóðandi bréf. Hið fyrra hljóðar svo, dags. 9. febr. 2000:
,,Þar sem undirritaður er á förum utan í einkaerindum og getur því ekki sótt þingfundi á næstunni leyfir hann sér, með vísan til 53. gr. þingskapa, að óska þess að varamaður hans taki sæti á meðan eða frá og með 14. þ.m.
Þar sem 1. varamaður Frjálslynda flokksins í Reykjavík hefur ekki tök á þingsetu nú sökum embættisanna er þess óskað að 2. varamaður flokksins, Margrét K. Sverrisdóttir, taki sæti.
Virðingarfyllst,
Sverrir Hermannsson, 18. þm. Reykv.``
Síðara bréfið hljóðar svo:
,,Undirritaður tekur hér með fram að honum er eigi unnt sökum embættisanna að taka sæti varamanns Frjálslynda flokksins á Alþingi á næstunni.
Virðingarfyllst, Gunnar Ingi Gunnarsson,
1. varaþm. Frjálslynda flokksins í Reykjavík.``
Að ósk forseta hefur landskjörstjórn komið saman og gefið út kjörbréf handa Margréti K. Sverrisdóttur sem er 2. varamaður á lista Frjálslynda flokksins í Reykv. Jafnframt hélt kjörbréfanefnd fund áður en þingfundur hófst til þess að fjalla um kjörbréfið.
