[prenta uppsett í dálka] 63. fundur, 125. lþ.
Katrín Fjeldsted (andsvar):
Herra forseti. Ég get alveg fallist á það með þingmanninum og held að ég hafi komið að því í ræðu minni að það sé auðvitað æskilegast að koma í veg fyrir áverkana og koma í veg fyrir slysin. Og þess vegna hafa ýmsir, m.a. breska læknafélagið, lagt til að bannað verði að boxa í höfuð á andstæðingnum. En það hefur ekki fallið í náðina hjá hnefaleikamönnunum sjálfum.
Ég tel því miður að áhrif þessarar íþróttar á heilsu séu ekki óveruleg heldur geti verið veruleg og þegar þau verða þá geta þau verið varanleg. Þau geta verið varanleg á sjónina og á heilann. Og eftir höfðinu dansa limirnir.
