Utanríkisráðherra (Halldór Ásgrímsson):
Herra forseti. Í undirbúningi hefur verið fundur með utanríkisráðherra Bretlands, Robin Cook, frá því sl. haust og það er ákveðið að sá fundur verði nk. föstudag í London. Á þeim fundi verða rædd ýmis tvíhliða málefni landanna og áður en þessar nýjustu fréttir um Sellafield komu til var það mál komið á dagskrá þess fundar. Þetta mál verður því að sjálfsögðu rætt á þessum tvíhliða fundi nk. föstudag í London og það er enn meiri ástæða en nokkru sinni fyrr til að ræða þetta mál tvíhliða milli landanna og það verður gert eins og efni standa til.