Þórunn Sveinbjarnardóttir:
Herra forseti. Ég þakka hæstv. ráðherra svarið. Ég er honum sammála um að skynsamlegast í stöðunni væri að loka þessari kjarnorkustöð og sú krafa þurfi að vera alveg skýr af hendi íslenskra stjórnvalda.
Auðvitað er ljóst að alls kyns hlutir eru í gangi í breskum kjarnorkuiðnaði þessa dagana og það á víðar við en í kjarnorkuendurvinnslustöðinni í Sellafield. Af þeim sökum er brýnt að íslensk stjórnvöld tali skýrum rómi fyrir hönd alls Alþingis á fundinum á föstudaginn.