[prenta uppsett í dálka] 67. fundur, 125. lþ.
Guðmundur Hallvarðsson:
Herra forseti. 9. maí 1997 var samþykkt þáltill. sem hljóðar svo:
,,Alþingi ályktar að fela ríkisstjórninni, í samráði við hagsmunaaðila, að móta skýrar reglur um tilkynningarskyldu og afmörkun siglingaleiða olíuskipa og annarra skipa sem sigla með hættulegan varning inn í íslenska efnahagslögsögu sem m.a. innihaldi heimildir til tafarlausrar stöðvunar ef vart verður mengunar. Reglurnar nái einnig til olíuskipa í siglingum milli hafna hér á landi.
Jafnframt verði mótaðar reglur um hvaða ráðuneyti og stjórnvöld fari með forræði um allar aðgerðir sem grípa þarf til ef mengunarslys verða á sjó eða við strendur landsins.``
Hæstv. fyrrv. samgrh. skipaði í framhaldi af þessari þál. nefnd til að móta þessar reglur. Ég beini fyrirspurn minni til hæstv. samgrh.:
Hvað líður störfum þessarar nefndar í framhaldi af fyrrnefndri þál.?
