[prenta uppsett í dálka] 67. fundur, 125. lþ.
Félagsmálaráðherra (Páll Pétursson):
Herra forseti. Aðeins örfá orð. Ég tel mikinn feng að þessu frv. og þakka nauðsynlega upprifjun hæstv. forsrh. í framsöguræðu hans á undirbúningi lagasetningarinnar frá 1998. Reynslan sýnir að um vandasöm og viðkvæm mál er að ræða og ég fullyrði að það var vilji Alþingis að gætt yrði hófs í sókn og vörn í þessu máli. Aldrei var meiningin að meðhöndla bændur eins og kúlakka í Rússlandi.
Þetta frv. miðar að því að bændur og sveitarfélög geti gætt réttar síns og ég tel það nauðsynlega og eðlilega breytingu á lögunum um þjóðlendur.
