[prenta uppsett í dálka] 75. fundur, 125. lþ.
Karl V. Matthíasson:
Herra forseti. Það er mjög ánægjulegt að þetta mál skuli bera á góma á Alþingi. Margir hafa mikinn áhuga á því eins og hefur komið fram í umræðunni að drifið verði í að koma þjóðgarðinum á laggirnar. Það má líka geta þess að ferðamennska eykst og æ fleiri sækja að skoða hina stórkostlegu náttúru undir Jökli og víðar. Þess vegna tek ég undir það sem fram hefur komið hjá fyrirspyrjanda að drifið verði í að koma þjóðgarði á. Það er ágætt að heyra svör hæstv. umhvrh. um þessi mál og væntum við góðs af því þegar þjóðgarður á Snæfellsnesi verður orðinn að veruleika.
