[prenta uppsett í dálka] 80. fundur, 125. lþ.
Ásta R. Jóhannesdóttir:
Herra forseti. Ég fagna svari hæstv. ráðherra við þessari fyrirspurn hv. þm. Ástu Möller. Frá næstu áramótum verður greiður aðgangur allra að neyðarpillunni. (Heilbrrh.: Greiðari.) Greiðari. Þangað til geta menn nálgast hana hjá læknum.
Fræðsla, fræðsla, fræðsla segja allir hv. þingmenn sem hér hafa tekið þátt í umræðunni. Hæstv. ráðherra veit hvar skórinn kreppir. Hæstv. ráðherra er fagmaður í þessari grein og það er óþarfi að tefja málið í nefnd. Ráðherra getur hafist handa nú þegar og komið á fræðslu og þeim úrræðum sem hér hafa verið til umræðu.
