[prenta uppsett í dálka] 83. fundur, 125. lþ.
Ögmundur Jónasson (andsvar):
Herra forseti. Ég vil taka undir með hv. þm. Einari K. Guðfinnssyni. Það er rétt sem hann bendir á að byrðarnar munu aukast á innlent atvinnulíf með tilkomu Schengen.
En svo að ég skýri mitt mál aðeins nánar þá var ég fyrst og fremst að vísa í orð hæstv. utanrrh. og talsmanna Framsfl. um hinn pólitíska ávinning af Schengen-samstarfinu og því að bindast Evrópusambandinu fastari böndum. Ég vísaði í álitsgerðina sem fylgir þessari þáltill. þar sem segir m.a., með leyfi forseta:
,,Schengen-samstarfið er þannig liður í því að náð verði áformum þeim sem keppt er að með hinum innri markaði ESB í samræmi við 7. gr. A í Rómarsamningnum.``
