Frsm. allshn. (Þorgerður K. Gunnarsdóttir) (andsvar):
Herra forseti. Ég hef raunar mína skoðun á mótmælunum í Seattle og hv. þm. Ögmundur Jónasson hefur eflaust sína skoðun á þeim og hugsanlega aðra. Ég treysti hins vegar engum betur til að meta og skrá í þennan upplýsingagrunn en einmitt lögreglumönnum, þeim færu lögreglumönnum sem við höfum hér á Íslandi. Ég treysti þeim fyllilega til að sinna starfi sínu og því hlutverki sem þeim er falið í þessu frv.