Frsm. allshn. (Þorgerður K. Gunnarsdóttir):
Herra forseti. Ég mæli fyrir frhnál. hv. allshn. um frv. til laga um breytingu á ýmsum lögum vegna þátttöku Íslands í Schengen-samstarfinu.
Nefndin ákvað að taka málið til frekari umfjöllunar eftir að því hafði verið vísað til 3. umr. á hinu háa Alþingi. Við nánari athugun þótti rétt að afnema 10. og 12. gr. frv. eins og og það liggur fyrir og er það tillaga nefndarinnar. Þetta var m.a. gert í samráði við Lögregluskóla ríkisins, ríkislögreglustjóraembættið, Landssamband lögreglumanna og dómsmrn. Rétt þótti að skoða betur hvernig standa ætti að framkvæmd landamæraeftirlits með tilkomu Schengen-samningsins og hverjir ættu að sjá um þá framkvæmd. Ætlunin er að skoða þau mál gaumgæfilega í sumar, hugsanlega í samræmi við endurskoðun á lögreglulögum.
Herra forseti. Því leggur nefndin til þá breytingu að 10. og 12. gr. frv. falli brott.