[prenta uppsett í dálka] 95. fundur, 125. lþ.
Iðnaðarráðherra (Valgerður Sverrisdóttir) (andsvar):
Hæstv. forseti. Ég held að það sé alveg augljóst hver tilgangurinn er, enda kemur það fram í mjög kjarnyrtri umsögn fjárlagaskrifstofu með frv. þar sem stendur, með leyfi forseta: ,,Tilgangur frumvarpsins er að veita Landsvirkjun heimild til að taka þátt í og eiga fyrirtæki á sviði fjarskipta auk orkumála og tengdrar starfsemi.`` Svo einfalt er það.
En í sambandi við mál hv. þm. almennt þá erum við ekki með frv. að fjalla um TETRA-kerfið. Póst- og fjarskiptastofnun og dómsmrn. munu fjalla um þann þátt mála. Eins og ég sagði fyrr tel ég að dómsmrn. sé sá aðili sem á að fjalla um öryggisþátt málsins og það hvort slík kerfi, ef af því verður að þau verði fleiri en eitt, geti ekki tengst saman í öryggisskyni.
