[prenta uppsett í dálka] 98. fundur, 125. lþ.
Jóhann Ársælsson:
Hæstv. forseti. Með þessari tillögu er í raun verið að styðja það að fyrirkomulagið sem gildir við veiðar úr norsk/íslenska síldarstofninum haldi áfram. Við í Samfylkingunni erum alfarið á móti þessu fyrirkomulagi og höfum mótmælt harðlega þeim aðferðum sem hafa verið notaðar til þess að koma eignarhaldi á íslensku síldina sem er auðvitað í samræmi við það sem þeir sem vilja viðhalda þessu eignarhaldi á fiskstofnunum hafa verið að reyna að koma á hvað varðar veiðar á öllum fiski við Ísland. Þess vegna ætlum við að sitja hjá við þessa atkvæðagreiðslu um tillögu.
