Sighvatur Björgvinsson (andsvar):
Herra forseti. Það er sjálfsagt að skýra þetta. Hv. þm. gerði alvarlega athugasemd við að í óbyggðanefnd, sem á að úrskurða um slík deilumál, kynni að sitja fulltrúi sem hefði persónulegan áhuga á að nýta á einhvern hátt það landsvæði sem um væri deilt, t.d. skotveiðimaður, og það gengi að sjálfsögðu ekki upp. Því spurði ég hv. þm. hver væri þá sáttatillaga hans í málinu. Er þá sáttatillagan sú að í staðinn fyrir einstakling úr hópi hinna landlausu Íslendinga verði settur fulltrúi landeigendanna?