Ögmundur Jónasson:
Herra forseti. Hér er verið að greiða atkvæði um frv. sem ég lýsti mjög eindreginni andstöðu við þegar það kom fyrst til umræðu í þinginu. Um er að ræða að gera Samábyrgð Íslands á fiskiskipum að hlutafélagi með það fyrir augum að koma því í sölu. Frv. var mjög gallað þegar það kom fram í þinginu en í meðförum efh.- og viðskn. hefur náðst málamiðlun sem ég tel svo mjög til bóta að ég styð þetta frv.