[prenta uppsett í dálka] 110. fundur, 125. lþ.
Ögmundur Jónasson:
Herra forseti. Með þessari brtt. er reynt að koma í veg fyrir að ríkissjóður verði af áfengisgjaldi. Samkvæmt tillögum ríkisstjórnarinnar og stjórnarmeirihlutans er gert ráð fyrir því að áfengisgjald á fríhafnir og frísvæði verði afnumið. Hér er um að ræða tekjupóst upp á 170--200 millj. kr. frá fríhöfninni í Keflavík einni.
Í ljósi þess að fyrir Alþingi liggur frv. til laga um að gera fríhöfnina að hlutafélagi með það í huga að koma henni á markað þá er þetta harla undarleg ráðstöfun. Þessi tillaga gengur út á að reyna að hafa vit fyrir ríkisstjórninni í þessu efni.
