[prenta uppsett í dálka] 117. fundur, 125. lþ.
Lúðvík Bergvinsson:
Virðulegi forseti. Það er ekki algengt að menn greiði atkvæði gegn því að mál komist á dagskrá með afbrigðum en ég held að í þessu tilviki verði ekki hjá því komist, a.m.k. hvað mig varðar.
Hér er verið að fjalla um samskipti löggjafarvaldsins og forsetans og verið er að taka löggjöf hans á dagskrá með þeim hætti að lítill sómi er að og ég held að sé nánast skömm fyrir þingið. Þetta er ástand sem hefur ríkt í 56 ár en nú er verið að taka þetta á dagskrá rétt áður en þingi er slitið og á jafnvel að keyra þetta í gegn. Þetta er, virðulegur forseti, eins og lélegur brandari í samkvæmi sem er að ljúka --- það þurfti að segja einn lítinn brandara áður en þingi væri slitið.
Virðulegi forseti. Það er mikill ósómi að þessu.
