[prenta uppsett í dálka] 118. fundur, 125. lþ.
Flm. (Pétur H. Blöndal) (andsvar):
Herra forseti. Í fyrsta lagi segir hv. þm. að Kjaradómur muni bregðast öðruvísi við í dag en þá. Er hv. þm. að segja að hann treysti ekki Kjaradómi til að ákvarða rétt um laun æðstu embættismanna þjóðarinnar?
Í öðru lagi sagði hv. þm. 19. júní 1996, örfáum dögum fyrir kosningar, að taka ætti afstöðu til þessa máls í atkvæðagreiðslu. Hvernig stendur á því að núna, 13. maí, þegar ekki einu sinni er lokið að skila inn framboði til forsetakosninga, þá er of stuttur tími til stefnu?
