[prenta uppsett í dálka] 118. fundur, 125. lþ.
Steingrímur J. Sigfússon:
Herra forseti. Við þingmenn Vinstri hreyfingarinnar -- græns framboðs munum styðja þessa vegáætlun af því að í henni eru fólgnar mikilvægar framkvæmdir víða um land, almennar vegaframkvæmdir, nýframkvæmdir á sviði jarðgangagerðar, mikilvægar framkvæmdir á höfuðborgarsvæðinu og fleira mætti nefna. Við höfum hins vegar lýst ákveðnum fyrirvörum við málið og ég vil ítreka þá hér. Þeir lúta í fyrsta lagi að þeirri tengingu við mögulega sölu ríkiseigna sem koma fram í forsendum tillögunnar. Við áskiljum okkur allan rétt í því sambandi og erum ekki að skrifa upp á slíkan óútfylltan tékka gagnvart einkavæðingu.
Í öðru lagi höfum við gagnrýnt ákveðin vinnubrögð í sambandi við meðferð málsins á lokaspretti þar sem þingmannahópar kjördæmanna komu ekki með venjubundnum hætti að skiptingu fjár til almennra vegaframkvæmda og einnig höfum við fyrirvara á um þá skiptingu sem slíka, herra forseti.
