[prenta uppsett í dálka] 5. fundur, 125. lþ.
Jóhanna Sigurðardóttir:
Herra forseti. Ég fagna því að að hæstv. ráðherra muni fljótlega leggja fyrir þingið þessa skýrslu, skýrslubeiðni, sem var að vísu lögð fram á síðasta þingi og endurvakin núna, en mér finnst miður að hæstv. ráðherra sé að telja eftir krónurnar í að gera skýrslu til að við fáum einhverja mynd af stöðu þeirra sem verst eru staddir í þjóðfélaginu sem eru einstæðir foreldrar. Vel má vera að þessi skýrslubeiðni ásamt fleirum sem fluttar eru hér séu umfangsmiklar en þá verða ráðuneytin bara að gera ráð fyrir því í fjárhagsáætlun sinni að það sé til fjármagn til þess að svara skýrslubeiðnum sem koma frá þinginu. Það finnst mér vera lágmark.
