[prenta uppsett í dálka] 6. fundur, 125. lþ.
Menntamálaráðherra (Björn Bjarnason):
Herra forseti. Þegar menn rifja upp þær umræður sem fóru fram um þetta á liðnum vetri þá er það of mikil einföldun hjá hv. ræðumanni að tala um menningarhúsin sem skilyrði fyrir stuðningi ríkisvaldsins við menningarstarfsemi á landsbyggðinni. Í umræðunum kom einmitt fram að æskilegt væri að líta til annarra hluta en húsbygginga þegar menn ræddu um stuðning ríkisvaldsins við menningarstörf á landsbyggðinni. Það eru þau viðbrögð sem urðu þess valdandi að ég ákvað að hægja á vinnunni og skoða betur allar þær hugmyndir sem fram komu.
Ég tel eðlilegt að það komi til kasta Alþingis við endurskoðun á lögunum um félagsheimili og öðrum slíkum lagaákvæðum og taka síðan ákvarðanir um framhald málsins.
