Verkefni sem unnt er að sinna á landsbyggðinni

[16:06]

Jón Kristjánsson:

Herra forseti. Hér er verið að vitna til byggðamálatillögunnar. Ég tel það góðra gjalda vert að halda stjórnvöldum við efnið. Hins vegar kann ég illa við þessi svikabrigsl á fyrstu mánuðum kjörtímabilsins þegar hver stjórnarandstæðingurinn kemur upp á eftir öðrum og brigslar stjórnvöldum um svik í málum sem verið er að vinna að. Ég vildi koma þessari athugasemd að og hún á við fleiri en þessa fyrirspurn. Þetta gengur aftur í umræðum stjórnarandstæðinga trekk í trekk, mönnum er brigslað um svik í málum sem verið er að vinna á fyrstu mánuðum kjörtímabilsins.