[prenta uppsett í dálka] 21. fundur, 125. lþ.
Jón Bjarnason:
Herra forseti. Ég tel að hér sé vakið máls á mjög brýnum þætti löggæslunnar. Ég vil vekja athygli á því sem hv. þm. Ögmundur Jónasson kom inn á, þ.e. að nú á að fara að miðstýra þessu með eign og rekstur lögreglubílanna. Allt á að vera undir ríkislögreglustjóra og hann á síðan að deila út til embættanna og það vekur kannski vissan ugg eða ótta varðandi búnað bílanna. Nú þarf öðruvísi búnað á bílum úti á landi. Verður þá leigan á þessum bílum mismunandi eftir útbúnaði? Er leigan kannski líka háð búnaði bílanna, t.d. á Vestfjörðum, Norðurlandi eða þar sem eru hörð veður, verri samgöngur, meira álag o.s.frv.? Eða hvernig verður þessu háttað?
