Forseti (Halldór Blöndal):
Áður en umræðan hefst vill forseti skýra frá því að samkomulag er milli þingflokka um fyrirkomulag umræðunnar, sbr. 72. gr. þingskapa. Iðnrh. hefur 30 mínútur í fyrsta sinn, 15 mínútur í annað sinn og 5 mínútur í þriðja sinn. Talsmenn þingflokka, þ.e. fyrsti ræðumaður hvers þingflokks annarra en þingflokks ráðherra, hafa 20 mínútur í fyrra sinn og 15 mínútur í síðara sinn. Aðrir þingmenn og ráðherrar hafa 15 mínútur, tvisvar.
Andsvör verða ekki leyfð í 1. umferð, þ.e. ekki við framsöguræðu ráðherra og ræður talsmanna þingflokkanna.
Ég vil geta þess að matarhlé verður milli klukkan eitt og hálftvö.