[prenta uppsett í dálka] 27. fundur, 125. lþ.
Ólafur Örn Haraldsson (andsvar):
Hæstv. forseti. Það mætti halda að sá hv. þm. sem talaði hér hafi ekki hugmynd um hvað felst í ferlinu sem lögin um mat á umhverfisáhrifum mæla fyrir um. Ég vænti þess ef hann vissi hvað í þeim lögum stendur sæi hann að grundvallarmunur er á aðgangi, áhrifum og möguleikum almennings til að koma að málinu og því sem almenningi er boðið upp á nú af veikum mætti. Það er hörmulegt til þess að vita að við skulum múra okkur hér inni, innan við þessa þykku veggi með þetta mál á þessum neyðarreit, þegar þjóðin, hvort sem það er meiri hluti eða minni hluti, krefst þess að farið verði að leikreglum. Það er hörmulegt.
