Arnbjörg Sveinsdóttir (andsvar):
Hæstv. forseti. Ég styð allar góðar tillögur í byggðamálum og hef lengi gert. Hitt er annað mál að þeir fjárfestar sem leggja ætla fé í þessar framkvæmdir hafa ekki séð aðra kosti til að leggja fé í framfaramál á Austurlandi. Ef hv. þm. veit um aðra fjárfesta sem eru tilbúnir að leggja 60 milljarða í aðrar fjárfestingar á Austurlandi, þá væri mjög gott að fá fréttir af þeim.