Jón Kristjánsson (andsvar):
Herra forseti. Auðvitað er það alveg ósambærilegt. Ég gæti svarað því ef ég hefði lengri tíma til að bera saman orkusölu til stóriðju og orkusölu á almennan markað. Það er ólíkt þegar orkan er afhent við stöðvarvegg á orkuveri til álverksmiðju eins og er hér t.d. í Straumsvík og hefur verið um árabil. Þetta er algjörlega ósambærilegt en þennan blekkingaleik er búið að leika í áraraðir. Til hans er alltaf gripið þegar í harðbakkann slær.