[prenta uppsett í dálka] 29. fundur, 125. lþ.
Árni Steinar Jóhannsson (andsvar):
Er það blekkingaleikur að horfast í augu við staðreyndir? Staðreyndin er sú að mörg fyrirtæki í landinu eru að færa sig úr íslenskri orku og yfir í innflutta orku, gjarnan svartolíu. Það er að gerast núna þegar við erum að losna við svokallaða umframorku til stóriðju. Ég veit ekki betur en að á þeim tíma sem við áttum afgangsorku, bara fyrir fjórum árum síðan, hafi Landsvirkjun skilað methagnaði.
Það er greinilegt að það skiptir máli hvort maður lítur á þessa hluti í stóru samhengi eða ekki. Okkar málflutningur hefur einmitt byggst á að horfa eigi á þessi mál í stóru samhengi, þjóðfélagslegu samhengi, en ekki á einangruð fyrirbæri.
