[prenta uppsett í dálka] 30. fundur, 125. lþ.
Kristinn H. Gunnarsson (um atkvæðagreiðslu):
Herra forseti. Þáltill. um framhald framkvæmda við Fljótsdalsvirkjun kveður á um það að halda áfram framkvæmdum. Það er augljóslega virkjunarmál og fellur undir iðnrh., enda flutti hann málið.
Rök um annað þingmál sem fjallar um önnur efnistök á sama stað eða sömu framkvæmd veikja ekki þetta. Það er eðlilegt að því þingmáli sé vísað til umhvn. því að það mál fjallar um að líta á lögin um umhverfismat. En það breytir því ekki að stjtill. gerir einmitt ekki ráð fyrir því og er iðnaðar- og virkjunarmál. Rök hv. þm. Ögmundar Jónassonar eru því þannig að ég get ekki fallist á þau.
