Landbúnaðarráðherra (Guðni Ágústsson):
Hæstv. forseti. Ég mæli hér fyrir litlu frv. á þskj. 272, 227. máli þingsins. Það er frv. til laga um breytingu á jarðalögum, nr. 65/1976, með síðari breytingum.
1. gr. frv. hljóðar svo:
,,B-liður 47. gr. laganna hljóðar svo: Að fyrir liggi samþykki barna jarðeiganda, 18 ára og eldri, um að jörðin sé gerð að ættaróðali.``
2. gr. er um að lögin öðlist þegar gildi.
Í athugasemdum við frv. segir:
,,Með setningu lögræðislaga, nr. 71 28. maí 1997, sem tóku gildi 1. janúar 1998 var sjálfræðisaldur hækkaður úr 16 árum í 18 ár. Lagaskoðunarnefnd hefur farið yfir ákvæði sem þarfnast breytinga eftir lögtöku lögræðislaganna til að samræmis sé gætt og eru jarðalögin ein af þeim.``
Þetta er ástæðan fyrir því að þetta frv. er hér flutt.
Að lokinni þessari umræðu legg ég til að málinu verði vísað til 2. umr. og landbn.