[prenta uppsett í dálka] 34. fundur, 125. lþ.
Umhverfisráðherra (Siv Friðleifsdóttir) (andsvar):
Virðulegur forseti. Við erum að hækka veiðikortið núna um 200 kr. til að fara út í þessa vetraraffallarannsókn. Hún kostar 11 millj. kr. á næstu árum og nú þegar er búið að borga 1 millj. sem greidd var í haust, eftir standa 10 millj. og meiningin er að afla þeirra á næstu árum, m.a. úr veiðikortasjóði. Á næsta ári, eins og ég hef skilið fjárlagagerðina og miðað við þá fjármuni sem til eru, er ekki unnt að taka allt það fé úr veiðikortasjóði heldur verður að taka 2 millj. með því að hækka kortið. Síðan þyrfti að koma viðbótarfé úr ríkissjóði. Í fjárlagagerðinni er unnið að tillögum sem lúta að hvort ekki sé hægt að koma enn frekar að málinu.
