Einar Már Sigurðarson:
Herra forseti. Nú á tímum þenslu hafa verið samþykkt 8 milljarða kr. aukaútgjöld í ríkissjóði og ýmislegt bendir til þess að ekki séu öll kurl komin til grafar og jafnvel eigi á milli umræðna eftir að bæta örlítið í. Þrátt fyrir þær athugasemdir sem hér hafa verið gerðar af hálfu Samfylkingarinnar, bæði í umræðum og nú við atkvæðagreiðslu, munu þingmenn Samfylkingarinnar ekki hindra framgang málsins og munu að sjálfsögðu greiða atkvæði með því að málinu verði vísað til 3. umr.