Ögmundur Jónasson:
Herra forseti. Ég mótmæli harðlega vinnubrögðum ríkisstjórnarinnar í þessu máli. Ég vek athygli á því að hún hefur svikið fyrri fyrirheit um að selja ekki hlut ríkisins í ríkisbönkunum fyrr en í fyrsta lagi á árinu 2001. Ég harma að ríkisstjórnin skuli bregðast því hlutverki sínu að móta ábyrga stefnu á fjármálamarkaði á opinn og lýðræðislegan hátt. Ríkisstjórnin hefur stungið höfðinu í sandinn en lætur fjármagnseigendur ráða för. Ég hlusta á markaðsöflin, segir hæstv. viðskrh. Hann lætur sér ekki nægja að hlusta, hann framkvæmir líka eins og þau bjóða.
Við leggjum til að þessu frv. verði vísað frá. Ég segi já.