[prenta uppsett í dálka] 42. fundur, 125. lþ.
Ögmundur Jónasson:
Herra forseti. Þetta frv. ber vott um óvönduð vinnubrögð. Hafnað hefur verið að ræða þróun fjármagnskerfisins með hugsanlega sameiningu ríkisbankanna í einn þjóðbanka áður en sala fer fram. Hafnað hefur verið að taka til afgreiðslu frv. Vinstri hreyfingarinnar -- græns framboðs um dreifða eignaraðild samhliða því frv. sem hér er verið að lögfesta. En ofar öllu þjónar þetta frv. ekki hagsmunum þjóðarinnar, það er verið að rýra eignarhlut hennar í verðmætri eign og efnahagslegu stjórntæki. Með þessu frv. er verið að greiða fyrir samþjöppun á valdi og fjármagni í íslensku samfélagi en ríkisstjórnin er söm við sig. Hún gengur erinda þessara afla. Ég hlusta á rödd fjármagnsaflanna, segir hæstv. viðskrh.
Ég vil hins vegar hlusta á rödd þjóðarinnar og ég vil hlusta á rödd skynseminnar. Þess vegna segi ég nei.
