Steingrímur J. Sigfússon:
Herra forseti. Samkvæmt fjárlagafrv. átti að verja 16 millj. kr. til liðarins 09-995 Skýrsluvélakostnaður, tölvukerfi, óskipt. Nú er lagt til að þetta hækki um litlar 70 millj. kr. og fari í 86 millj. Hér mun aðallega vera um að ræða kostnað sem gengur til að greiða verktakasamninga eða greiðslur til hins einkavædda fyrirtækis Skýrr sem áður hét Skýrsluvélar ríkisins.
Ég vek athygli á því, herra forseti, að það er ekki að sjá af þessu að breyttu breytanda og með fyrirvara um að einkavæðingin hafi skilað sérstakri hagræðingu í þessu tilviki úr því að hér þarf að hækka fjárlagalið sem í frv. stendur upp á 16 millj. um litlar 70 millj. kr. Það er dálagleg prósentuhækkun það, herra forseti. Ég segi nei.