Kolbrún Halldórsdóttir:
Herra forseti. Við höfum tvær samþykktar þáltill. frá fyrra þingi sem snerta þennan lið. Það er annars vegar þál. þar sem stjórnvöldum var falið að kanna möguleika á stofnun Vatnajökulsþjóðgarðs og sömuleiðis þál. þar sem stjórnvöldum var gert að hefja kortlagningu ósnortinna víðerna. Við teljum bæði verkefnin vera afskaplega mikilvæg og þurfa á stuðningi stjórnvalda að halda og leggjum þess vegna til að hér verði settar 3 millj. til Vatnajökulsþjóðgarðs, til undirbúnings og kortlagningar ósnortinna víðerna 2 millj. Sömuleiðis leggjum við til að yfirstjórn Náttúruverndar ríkisins fái 65 millj. til viðbótar í ýmis sérverkefni sem eru á dagskrá hjá henni og sérstaklega hefur verið gerð grein fyrir. Ég segi já.