Guðjón A. Kristjánsson (um fundarstjórn):
Hæstv. forseti. Þingmenn Frjálslynda flokksins eiga ekki aðild að fjárln. og sáu fyrst nú eftir hádegið þau gögn sem funda á um hér eftir hádegið í dag. Hér hefur síðan tvisvar verið boðað til fundar og honum jafnoft frestað. Mér finnast þetta ekki sæmandi vinnubrögð og tel eðlilegt að fresta afgreiðslu málsins.
(Forseti (GuðjG): Forseta þykir ekki ástæða til að fresta umræðum um þetta mál frekar. Þeim hefur þegar verið frestað frá því klukkan hálftvö. Gert er ráð fyrir hléi á þessum fundi frá klukkan sjö til hálfníu og forseta finnst þess vegna full ástæða til að hefja þessa umræðu nú þegar.)