[prenta uppsett í dálka] 46. fundur, 125. lþ.
Einar Már Sigurðarson:
Herra forseti. Í upphafi atkvæðagreiðslunnar vil ég fyrir hönd þingflokks Samfylkingarinnar taka fram nokkur atriði.
Þau fjáraukalög sem koma hér til atkvæða staðfesta það sem við höfum haldið fram í minni hluta fjárln. að ríkisstjórnin hefur ekki haft tök á ríkisfjármálunum. Útgjöld hafa aukist um rúmlega 10 milljarða. Að auki er ýmislegt í tillögunum sem að áliti okkar stenst ekki lög um fjárreiður ríkisins. Við stöndum hins vegar frammi fyrir gerðum hlut. Stjórnarandstaðan hefur ekki getað haft áhrif á það sem gerst hefur. Fjáraukalögin eru því á ábyrgð stjórnarmeirihlutans og þess vegna mun þingflokkur Samfylkingarinnar sitja hjá við atkvæðagreiðsluna.
