[prenta uppsett í dálka] 47. fundur, 125. lþ.
Ásta R. Jóhannesdóttir:
Herra forseti. Í þessum fjárlögum leggur Samfylkingin til 1,5 milljarða til að bæta kjör þeirra sem minnst hafa og þurfa að treysta á almannatryggingarnar til framfærslu sinnar. Fagleg úttekt hefur staðfest að það er nauðsynlegt að skjóta styrkari stoðum undir velferðarkerfið og það teljum við brýnast í góðærinu. Hér leggjum við til tekjutillögur á móti, eina af mörgum og hún snýst um það að með virkara skatteftirliti náum við inn auknum tekjum. Ég segi já.
