Jón Bjarnason:
Herra forseti. Ég gerðist meðflutningsmaður með þingmönnum Frjálslynda flokksins á þremur breytingartillögum sem allar lúta að því að bæta stöðu þeirra í okkar samfélagi sem hafa virkilega borið skarðan hlut frá borði nú í þessu umtalaða góðæri. Það væri því verðugt af okkur hér á Alþingi að koma til móts við þessa aðila. Nú þegar við erum að hæla okkur af miklum tekjuafgangi, þá væri þetta sanngjörn --- framlagið mætti reyndar vera hærra --- og eðlileg þátttaka og framlag til þessara hópa, herra forseti.